A palabra rutina ten moi mala fama. Pensamos en rutina e representámonos algo aburrido, monótono e do que un necesita librarse con urxencia.
Nada máis lonxe da realidade. A rutina axúdanos a manternos enfocados, a conseguir os nosos obxectivos e alcanzar todo o noso potencial.
Por iso é tan importante crear unha rutina de escritura.
Crear unha rutina de escritura permitirache desenvolver o hábito da escritura. Si, crear unha rutina e sígues durante polo menos vinte e oito días (ese é o tempo que recomendan os expertos) e crearías o hábito.
Crear unha rutina de escritura dáche acougo. Sabes esa desagradable sensación na boca do estómago cando pensas «agora debería estar a escribir»? Ter unha rutina de escritura elimínaa e substitúea pola euforia de saber que estás a facer o que tes que facer.
Crear unha rutina de escritura axúdache a organizar o teu tempo e xestionalo mellor. Ti decides cando vas escribir e durante canto tempo. Logo só tes que cinguirte ao plan trazado.
Crear unha rutina de escritura permíteche manter o foco. Cando teñas a túa rutina custarache menos meterte na escritura e retomar a historia onde a deixaches o día anterior. Ademais, terás maior facilidade para concentrate e non permitir que outros pensamentos te distraían.
A rutina é unha magnífica aliada. Pero que é unha rutina de escritura?
Unha rutina é un costume persoal establecido por conveniencia e que non permite modificación. Hai rutinas de exercicio, rutinas para estudar, rutinas para ser máis produtivo…
Repasemos agora a definición de rutina.
Unha rutina é un costume persoal. É dicir, cada persoa créase as súas propias rutinas en función das súas preferencias, tempo, idade, costumes. Enseguida imos darche uns parámetros para crear unha rutina de escritura, pero para que de verdade funcionen recomendámosche que os adaptes ás túas propias necesidades.
Unha rutina non permite modificación. En efecto, unha rutina baséase no costume e na repetición, polo que non convén modificala a cada paso. Agora ben, ao principio si deberás realizar as adaptacións precisas para axustala á túa maneira de ser e ao teu estilo de vida. Tamén pode suceder que nalgún momento necesites facer pequenos axustes, por exemplo cando estás de vacacións ou se algún cambio importante sucede na túa vida.
Ningún comentario:
Publicar un comentario